Grunneger Vraauwengalerij

De vraauw staait centroal tiedens de Dag van de Grunneger toal. Onlangs opende De Verhalen van Groningen de Groninger Vrouwengalerij ien Universiteitsbibliotheek. De Groninger Vrouwengalerij is n portrettengalerij dij -online én op lokoatsie- verhoalen vertelt over viefteg biezundere Grunneger vraauwlu oet t verleden. Drij van dizze vraauwlu kommen ien de vörm van n mini-expositie noar de Dag van de Grunneger toal. Dizze vraauwlu hemmen veul betaikend veur de Grunneger toal en cultuur.

Ien aanvullen op de Groninger Vrouwengalerij brengt De Verhalen van Groningen ien soamenwaarken mit t CGTC en t Groninger Museum de veurstellen Voorwaarts! op t podium tiedens de Dag van Grunneger toal. Marieke Klooster en Gabriëlle Glasbeek (van eertieds Vrouw Holland) brengen, mit mitwaarken van Bert Hadders en Robert van der Tol, n ode aan Grunneger vraauwlu van nou en dou. Voorwaarts! is n cabareteske veurstellen en wordt dails ien t Grunnegs en dails ien t Hollands speuld.

Foto: Stella Dekker