Opening: Gedeputeerde Henk Staghouwer

Henk Staghouwer, gedeputeerde van pervinsie Grunnen, opent de 10e Dag van de Grunneger toal.

“Van huus uut ben ik n geboren en getogen Grunneger. t Heuren van e Grunneger toal vuult veur mij vertraauwd. Ik mag ok geregeld Gunnegs proaten – groag zulfs – bij mij an toavel ien t Pervinsiehuus en bij bezuken ien e pervinsie. Streektoal zeit volgens mij wat belaangrieks over de identiteit van n gebied en de ienwoners. Het is n toal woar mensen heur goed ien uutdrukken kinnen en woar ze heur goed bij vulen. t Belaang van e Grunneger toal huuf ik dus aan n echte Grunneger niet uut te leggen. Toch zien we om allerlei redenen dat ons streektoal hieltied minder proat wordt. En dat vien ik slim spieteg. Doarom moak ik me staark om t Grunnegs veur nou en veur de toekomst te beholden. Zo hemmen we verleden joar oktober n belaangrieke stap zet: Ik heb noamens
de pervinsie Grunnen mien haandtekeneng zet onder n ofsproak woarmet we t Nedersaksisch – de toal woar t Grunnegs n onderdeel van is – as officiële toal erkennen.”

 Foto: Hetty Slagter

Prezentoatsie podium Centrale Hal en Meziekkroug: Janneke Vos

Janneke Vos is bie de Grunnegers veuraal bekend as old-prezentatrice van verschaaiden RTV Noord programma’s. Janneke waarkte joarenlaank ien vaste dainst as journaliste veur kraant, radio en televisie. Ze was onder meer freelancer veur t Algemeen Dagblad en de GPD. Ien 2006 besloot Janneke t roer om te goeien en noa n loopboan van 15 joar ien de Nederlandse journalistiek te kaizen veur t plattelandsbestoan ien Roemenië as boerin. Over dizze ommekeer ien heur bestoan het zai ienmiddels vief bouken schreven en gaf zai roem honderd lezingen ien Nederland. Janneke’s lezingen en bouken brengen joarlieks tal van bezuikers noar t dörp woar zai woont, Oarba de Mures ien t Roemeense Transsylvanië. Noast t runnen van t boerenbedrief waarkt Janneke veur verschaaiden organizoatsies ook as gids en is zai soamensteller van arrangementen veur groepen dij t ongerepte Roemeense platteland kennen leren willen. Doarnoast waarkt zai veur t programma ‘Ik zoek mijn familie’ van de Vlaamse omroup VRT en t programma ‘Spoorloos’ van de KRO.

Specioal veur de Dag van de Grunneger toal komt Janneke Vos over om de Dag veur de viefde moal te prezenteren.