Lezen Heiko Gauert – Op Plattdüüts heet dat Moin

Heiko Gauert is leroar en journalist. Hai wer geboren ien 1949 ien Eckernförde en woont nou mit zien vraauw ien Damp. Tot 2014 was hai directeur van n Gemeinschafsschule ien Hohenlockstedt, as journalist het Gauert veur kranten, tiedschriften en de NDR waarkt. As columnist is hai nog altied actief veur de sh:z. Doarbie het t Plattduuts nog altied zien mainste aandacht. Zo trad hai ook op as sproakpoliticus onder meer ien de Heimatbund van Schleswig-Holstein. Doarmit beschaauwt Gauert homzulf as dail van t “Plattduutse netwaark”, t waark dat hai hail wezenliek touschrift aan de “Renaissance van de Plattduutse toal”.

Ien 2013 kreeg hai de medaille van verdainste van de Verdienstordens van Bondsrepubliek Duutsland. Van zien haand kommen de bouken “Amor an de Diek” (Fresenborg Verlag), “Sünnschien un Wulken” (Jung Verlag), “Geschichte der plattdeutschen Sprache”(Quickborn Verlag) en wieder nog talrieke teksten ien verschaaiden bloumlezens.

Gauert geft op 16 meert n lezen over t Plattduuts, ien t Plattduuts: De Geschicht vun de plattdüütsche Spraak.