Lezen Marten van Dijken

Ien 2005 wer Marten van Dijken (Stedum, 1937) keunenkliek onderschaaiden veur t vertoalen van Biebel en veur t aanpeerdjen van t Grunnens. Op Dag van de Grunneger Toal 2016 verschient Grunneger Grimm, naauw vaaier moand noadat De Pieplaaider oetkommen is, Van Dijken zien twijde vertoalen van n verhoal oet de Bommelsaga. Veul mìnsen kennen Marten van Dijken van Grunneger Biebel, Kinderbiebel en psaalms van Huub Oosterhuis. Op Dag van de Grunneger toal 2019 vertelt Marten van Dijken over t vertoalen van Allain op wereld van Hector Malot en over Bovenboazen van Marten Toonder.

Oet t interview mit Marten van Dijken deur Hindry Schoonhoven (Moi 2016):
Hebben ie gewoon n bult oardeghaid aan vertoalwaark of doun ie t om t Grunnens te emanciperen?
“Baaide, mor van t aalgemain belang bin k mie pas bewust worden dou k mien lintje kreeg. Toun bedocht ik mie dat t aiglieks mor roar is dat je bepoalde klassiekers nait ien joen aigen toal lezen kinnen. Deur ze te vertoalen holden je mìnsen aan t lezen en droagen je bie aan instandholding van t Grunnens.”