Oader Café – Jan Siebo Uffen, Fieke Gosselaar, Aly Freije

Grunnegs literair tiedschrift Oader is vanòf december 2016 ien lucht. Ien lucht want t is gain papieren tiedschrift, Oader is te lezen op internet. Net as bie veurganger Krödde hoopt redaksie dat de verhoalen en gedichten vanoet Oader heur weg vienden noar bloumlezens, bundels en bouken. Oader wil n etalage wezen van goie Grunneger schrieverij en een podium veur begunnende en gearriveerde Grunneger dichters en schrievers. Tiedens Dag van de Grunneger toal zellen n aantal dichters en schrievers dij op Oadersite publiceerd hemmen, veurlezen ien t Literair Café.

Jan Siebo Uffen (Noordloaren, 1942) schrift en prezenteert al van zien dattiende joar òf ien de toal van t Oldambt verhoalen, gedichten en liedteksten. Ien 1991 kreeg er de Literaire Pries van Stichten t Grunneger Bouk veur al zien waark; mor t meeste mos toen nog kommen. Ien 1989 verscheen t verhoalenboek en ien 2010 de roman Blui. Veul van zien eigen liedteksten bennen bundeld ien k Wil t, uutkommen ien 2018.

Nina Werkman (Bennewolle, 1947) schrift meest gedichten ien t Grunnegs en ien t Nederlands. Van heur verscheen ien 2009 de dichtbundel Wizzelbörg ien t Grunnegs en ien t Nederlands werden de bundels Antidata (2009) en Vrouwenwerk (2013) uutgeven. Ien 2011 won ze de Freudenthalpries veur de gedichtencyclus Gaist van törf en zolt – n Vraauwenkroniek. Ze kreeg ien 2013 de Literaire Pries van Stichten t Grunneger Bouk.

Fieke Gosselaar (Finnerwold, 1982) schrift poëzie en proza. Ien 2013 kwam heur Grunnegstoalege dichtbundel Nova Zembla uut. Doarnoa verscheen ien 2014 de Nederlandstoalege verhoalenbundel Tussen de anderen en veureg joar de roman Het land houdt van stilte. Elke zotterdagmörn het ze n Grunnegstoalege column op Radio Noord; n keus hieruut stijt ien heur bundel t Leven as olifantspuzzel uut 2018.

Foto Jan Siebo Uffen: Jan Glas