Sikkom Kult met Irene Wilkens, Ivonne Schoenmaker en Marianne van der Velde

Irene Wilkens is ienmiddels nait meer vot te denken oet de Grunneger meziek wereld. n Prachtege stem en n herkenboar verhoal en geluud moaken Irene en heur 5 koppege band “Sikkom Kult” n uniek verschiensel ien de Grunneger streektoal. As wozzen muzikant en zangeres zingt Irene al enkele joaren ien de toal dij zo lekker bekt. Ien 2016 won ze mit heur doudestieds nije band t Grunneger Laidjes festival, doarnoa volgden der enkele succesvolle singles en begun 2018 verscheen de eerste volweerdege cd mit de titel Sikkom Kult. n Verzoameln van Grunnegstoalege poplaidjes dij nait onder ainĀ  noemer te vangen binnen. Ballads, blues en folk, alles komt veurbie. Op 16 meert kommen Irene Wilkens & Sikkom Kult noar de Dag van de Grunneger Toal. En zai nemen vocoale verstaarken mit van Ivonne Schoenmaker en Marianne van der Velde. Grunneger powervrouwenzang van hoog niveau!

www.irenewilkens.nl