Winnoar Grunneger Laidjesfestival: Bart Corporaal

Bart Corporaal het tot begun 2019 ien de Grunnegstoalege band Krödde speuld. De band dij bekend is van de hit Zunneschien. Nou dat dij band stopt is, is t tied veur n nije muzikoale stap. n Solo project mit benoam laidjes over persoonleke gebeurtenizzen. Van jongs òf aan is Bart veul mit muziek bezeg. Saillant detail: Bart is van oorsprong Frais, mor mouk hom de Grunneger toal aigen. Sinds 2013 moakt hai muziek ien t Grunnegs.

Winnoar Grunneger Laidjesfestival
Bart Corporaal het ien 2019 de vaaierde editie van t Grunneger Laidjesfestival wonnen. As singer-songwriter trad hai op mit de laidjes Aiweg de Laifde en Verloren Laand.